O CITEEC é o Centro de Innovación Tecnolóxica en Edificación e Enxeñaría Civil da Universidade da Coruña. Trátase dun centro creado co obxectivo de facilitar, favorecer e impulsar a investigación nas áreas relacionadas coa enxeñaría civil, a construción e a edificación. As súas capacidades baséanse fundamentalmente na análise experimental, pero complementada cunha forte compoñente de modelización matemática, co uso de métodos computacionais e cunha crecente aplicación das tecnoloxías TIC.