Desenvolvemento de sistemas de monitorización, xestión e toma de decisións na operatividade portuaria

O sistema fundaméntase na monitorización in situ dos 6 tipos de movemento dos buques atracados nunha determinada instalación portuaria. A información recollida combínase con datos climáticos para o desenvolvemento, mediante a calibración de funcións de transferencia e a aplicación de técnicas de intelixencia artificial, de ferramentas de predición da axitación dos buques e de axuda á toma de decisións na xestión das operacións portuarias, maximizando a súa eficiencia.