Rumi

Aplicacións de localización e monitorización Aplicacións de xestión

Rumi é un colar de monitorización para gando vacún que recoñece en tempo real as actividades que realizan os animais (pacer, rumiar, comer-xogar, camiñar e descansar) e onde o están facendo a través da localización GPS. O sistema detecta comportamentos anómalos, celos, partos, patoloxías, fugas de finca, etc. e envíalle alertas ao gandeiro a través da app móvil Rumi. A app funciona coma unha ferramenta de xestión de todo o rabaño, podendo engadir e consultar toda a información de cada animal.

Innovacións destacables

- Recoñecemento das actividades do gando en tempo real.
- Localización GPS intelixente (ao coñecer cando o animal se despraza ou descansa, envíanse ubicacións máis ou menos frecuentes).
- O colar ten unha placa fotovoltaica que recarga con enerxía solar unha pila, o que lle proporciona autonomía infinita en sistemas extensivos.
- Trazabilidade dende a orixe do leite e da carne a través da tecnoloxía blockchain.